Arden 150 hectáreas dentro do parque natural do Xurés

|

Incendiomuios

Imaxe aérea do incendio de Muíños. //Foto: @BrifLaza twitter


O incendio forestal que afecta o parque natural do Xurés, no termo municipal de Muíños (Ourense), e que se deu por controlado ás 2:30 da madrugada, reactivouse.


O incendio forestal reactivado queimou xa unhas 150 hectáreas de superficie dentro todas elas do parque natural do Xurés, segundo informa a Consellería do Medio Rural.


Na extinción do foco levan traballado dous técnicos, dous axentes, 10 brigadas, oito motobombas, tres pas, seis helicópteros e cinco avións.


A Xunta activou a situación 2 para este lume pola proximidade ás casas, en concreto na parroquia de Requiás


Mentres, seguen baixo control as chamas en Chantada, onde un incendio afectou a Rede Natura e arrasou unhas 106,44 hectáreas, 49,14 arboredos e o resto rasas.


MEDIOS AÉREOS 


O Ministerio de Agricultura, Alimentación e Medio Ambiente enviou medios aéreos para apoiar a Galicia na loita contra o incendio forestal declarado en Muíños.


En concreto, desprazáronse dous avións anfibios de 6.000 litros de descarga da base de Lavacolla na Coruña e dous avións de carga en terra de 3.100 litros da base de Xinzo de Limia.


O lume de Muíños afecta o parque natural do Xurés e, aínda que durante a madrugada deste martes se dera por controlado, a Xunta informou da súa reactivación e de que xa queimou ao redor de 150 hectáreas.


OÍMBRA


Ademais, esta tarde a Xunta declaraba a existencia doutro lume na provincia de Ourense do que xa se decretou a 'situación 2' pola proximidade aos núcleos de Espiño e Bousés


Este martes rexístranse temperaturas moi altas para a época do ano, con máis de 40 graos en varios puntos da provincia ourensá, o cal favorece a propagación das lapas. 


ACTUALIZACIÓN 07/09: Hai 5 grandes incendios activos en Ourense que arderon xa máis de 3.200 hectáreas.

relacionada ​10 millones para paliar los daños de los incendios forestales
relacionada Ya son 49 el número de presuntos incendiarios detenidos en lo que va de campaña

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress