​O Sergas desminte a existencia dunha epidemia bacteriolóxica no Cunqueiro

|

Camasergas


O Sergas saíu ao paso da denuncia pública dos sindicatos, que alertaron este xoves dunha "epidemia" da bacteria 'klebsiella' no Hospital Álvaro Cunqueiro de Vigo, e negou a existencia de tal epidemia, á vez que garantiu a "absoluta seguridade" das súas instalacións.


Nun comunicado, Sanidade admitiu que hai pacientes illados, pero precisou que esa medida é unha precaución habitual en todos os hospitais e que, no caso do Hospital Álvaro Cunqueiro (HAC) de Vigo, a maior parte dos ingresados illados estano polas súas propias condicións clínicas, e non por esa bacteria.


Por outra banda, sinalou que a presenza da bacteria 'klebsiella' é común nos centros hospitalarios, e no caso do HAC, é "similar á de calquera outro hospital" da contorna. "A orixe destes xermes resistentes non están tan relacionado coas condicións hixiénicas dos centros, senón co uso inadecuado dos antibióticos", sinala o Sergas, e ha engade que "a prevalencia de infeccións asociadas á asistencia sanitaria en países desenvolvidos oscila entre o 5 e o 10 por cento dos pacientes hospitalizados".


Así mesmo, Sanidade lembra que, entre as medidas postas en marcha para facer fronte ás infeccións por 'klebsiella' e outros xermes resistentes, está a elaboración dunha guía destinada a hospitais, co fin de previr estas eventualidades.


Ademais, insiste, no HAC creouse un grupo de traballo específico no principio do ano para o seguimento e control desta bacteria. Así, dispón dun protocolo específico, con medidas de control para "atallar" a expansión do xerme e, desde marzo pasado, realizáronse controis periódicos a todos os pacientes que ingresan nas unidades de críticos e noutras unidades, en función das súas necesidades.


CHAMAMENTO AO "SENTIDO COMÚN"


Tamén subliñou que os servizos asistenciais da Eoxi garanten o cumprimento dos protocolos que regulan os controis hixiénicos e ambientais, e os parámetros de bioseguridad esixibles. "A maiores, no principio do ano reforzáronse os aspectos de formación do persoal sanitario e establecéronse medidas de higienización específicas para esta bacteria", apuntou.


Por todo iso, Sanidade fixo un chamamento ao "sentido común" e a "sensatez" nas declaracións que se fagan con respecto a esta cuestión, dado que "poden contribuír a xerar unha alarma inxustificada na poboación". "Neste contexto, non é apropiada a utilización de temas asistenciais para xustificar reivindicacións laborais", concluíu.



Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress