​Mobilízanse os traballadores dos 'call centres'

Os traballadores do sector de 'contact center', comunmente coñecidos como 'call centres', que emprega a case 70.000 persoas en España, concéntranse este xoves en distintas cidades españolas para protestar polo bloqueo e a pretensión da patronal de empeorar o Convenio Colectivo.

En concreto, UGT, CCOO e CGT, no marco de mobilizacións ás que se uniron outros sindicatos como CIG ou USO, convocaron concentracións varias cidades españolas, entre elas A Coruña, onde se reunirán entre as 12 e as 13:30 do serán no Obelisco.

Durante as mesmas entregarase á transeúntes información de como afectará na vida diaria do cidadán a folga que paralizará os servizos de información ou avarías das compañías telefónicas, banca, seguros, enerxéticas, etc.

Nun comunicado, a Federación de Servizos, Mobilidade e Cidadanía de UGT (FeSMC-UGT) explica que os motivos do paro son, ademais da premeditada lentitude negociadora da patronal ACE, que "roza a mala fe tras ano e nove meses de negociación", a pretensión da parte empresarial de recortar os dereitos adquiridos no convenio e a súa negativa para garantir que non se perda poder adquisitivo.