​Prosegue a procura do peregrino surcoreano desaparecido na zona de Fisterra

A procura do peregrino surcoreano, duns 41 anos, desaparecido fai cinco días na zona do faro de Fisterra (A Coruña) prosegue por terra e, cando o o permite, con mergulladores da Garda Civil, segundo informaron a Europa Press fontes da Benemérita.

En concreto, no operativo participan, xunto a outros efectivos, mergulladores do Grupo Especial de Actividades Subacuáticas, (GEAS) no marco dun dispositivo habilitado polo Instituto Armado.

Jim Han Cho desapareceu o pasado día 10 de setembro cando se atopaba supostamente nunha zona de baño frecuentada por peregrinos na parte baixa do faro no Cabo de Fisterra.

Un pescador achou na zona a súa roupa e outras pertenzas, como unha mochila, polo que a Benemérita baralla a hipótese de que "puido sufrir un accidente na auga". Por iso, foron mobilizados os mergulladores da Garda Civil, que rastrexan a zona, así como efectivos do mesmo corpo da zona de Fisterra e Corcubión, entre outros.