#Claves de la semana

María Xosé Queizán ou a cooperativa Numax, galardoados cos Premios da Cultura Galega

Os premios serven para apoiar a "excelencia creativa", a "capacidade de intercambio", a experimentación e a proxección da construción cultural de Galicia


|

Xuradopremiosculturagalega

Xurado dos premios na Cidade da Cultura // Portal Cultura de Galicia


María Xosé Queizán (Letras), Miguel Fernández-Cid (Artes Plásticas), Sarabela Teatro (Artes Escénica), Maximino Zumalave (Música), a cooperativa Numax (Audiovisual), a Irmandade Xurídica Galega (Lingua), o Museo de Pontevedra (Patrimonio Cultural) e Elena Zernova (Proxección Exterior) foron os galardoados este ano cos Premios da Cultura Galega.


Estas persoas foron elixidas, de entre un total de 40 candidaturas presentadas, por un xurado formado polo secretario xeral de Cultura, Anxo Lorenzo; o xerente do Consello da Cultura Galega, Marcelino Fernández; a bibliotecaria-arquiveira da Real Academia Galega, Margarita Ledo; e o presidente da Real Academia Galega de Belas Artes Nosa Señora do Rosario, Manuel Quintana; que se reuniu este luns no Museo Centro Gaiás da Cidade da Cultura.


Na reunión do xurado, que foi aberta polo conselleiro Román Rodríguez, participaron tamén destacadas figuras do mundo cultural, como a gaiteira Susana Seivane, a directora teatral Fefa Noia, o editor Xosé Ballesteros, ou o fotógrafo Manuel Vilariño.


Os Premios da Cultura Galega, que cada ano convoca a Consellería de Cultura, Educación e Ordenación Universitaria, serven para apoiar a "excelencia creativa", a "capacidade de intercambio", a experimentación e a proxección da construción cultural de Galicia. O galardón desta edición de 2016 consistirá nunha escultura de Manolo Paz, que se entregará nun acto solemne.


A continuación a lista dos premiados:


Premio Cultura Galega de Letras: María Xosé Queizán 

Premio Cultura Galega de Artes Plásticas: Miguel Fernández-Cid

Premio Cultura Galega de Artes Escénicas: Sarabela Teatro

Premio Cultura Galega de Música: Maximino Zumalave 

Premio Cultura Galega de Audiovisual: cooperativa Numax 

Premio Cultura Galega de Lengua: Irmandade Xurídica Galega 

Premio Cultura Galega de Patrimonio Cultural: Museo de Pontevedra 

Premio Cultura Galega de Proxección Exterior: Elena Zernova 



Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE