Cerca de 7.000 axentes forman o dispositivo do 25S
Na seguridade desta xornada electoral paricipan tanto a Garda Civil, como a Policía Nacional como as policías locais de toda Galicia.
Máis de 6.000 efectivos da Policía Nacional e da Garda Civil integran o dispositivo de seguridade disposto na Comunidade Autónoma de Galicia con motivo da xornada electoral deste domingo, 25 de setembro, unha cifra á que se incorporarán tamén 813 axentes das policías locais de toda Galicia, co que o número se achega aos 7.000 efectivos.
Segundo os datos facilitados pola Delegación do Goberno en Galicia, o dispositivo estará integrado por 2.275 policías nacionais --entre os que se suman 176 membros da policía autonómica-- e 3.917 axentes da Garda Civil.
A de Pontevedra será a que conte cun maior número de axentes velando pola seguridade da xornada electoral, con 1.112 gardas civís e 852 policías nacionais.
Pola súa banda, na provincia da Coruña, o dispositivo integrarano 971 axentes de Policía Nacional e 1.340 de Garda Civil; mentres que en Lugo serán 268 por parte da Policía e 756 gardas civís.
Finalmente, na provincia de Ourense participarán no dispositivo articulado polo Goberno 184 axentes da Policía Nacional e 709 da Garda Civil.
Escribe tu comentario