​Os pais de Iván Durán querían colgar carteis nos colexios electorais

A Xunta Electoral denega a petición dos pais de Iván Durán, o mozo desaparecido en Baiona hai un mes, de colocar carteis coa súa foto nos colexios electorais. A intención da familia era aproveitar a afluencia de xente para que sexan conscientes de que o seu fillo segue desaparecido. Fai máis dunha semana, recibiron noticias de que varias testemuñas o viron vagando pola zona de Belesar.

Os argumentos da Xunta Electoral Provincial son que o asunto está fóra das súas competencias, tendo en conta, ademais, que a desaparición está a ser investigada pola policía.