Edificios tinguidos de rosa polo Día Internacional da Nena

|

Dianiarosa


Máis dunha vintena de edificios españois tinguiranse de cor rosa este martes, 11 de outubro, para apoiar a defensa dos dereitos das nenas con motivo do Día Internacional da Nena, entre eles a Torre de Hércules, o Concello de Santiago e as fontes da rúa Aragón de Vigo.


Esta iniciativa promóvea a organización en defensa dos dereitos da infancia Plan Internacional e tamén se desenvolverá en monumentos emblemáticos de todo o mundo como o Empire State ou o Coliseo de Roma.


O Día Internacional da Nena, declarado pola Asemblea Xeral de Nacións Unidas, recoñece os dereitos das nenas e os desafíos excepcionais aos que se enfrontan en todo o mundo. Con este día quérese defender o dereito que tamén teñen as nenas de ir á escola para recibir unha educación de calidade que lles permita romper o círculo de discriminación e pobreza e contribuír ao desenvolvemento dunha sociedade máis equitativa.


No caso de España, ás 20,30 horas do 11 de outubro, iluminaranse de rosa de forma simultánea edificios como o Palacio de Cibeles de Madrid, o Palacio da Madalena en Santander, a Catedral de Palma de Mallorca, a Muralla de Ávila, o Acueducto de Segovia, as Casas Colgadas de Cuenca, o Teatro Campos Elíseos en Bilbao, a Muralla de Redellín de Logroño, Rotonda da Cúpula en Melilla, a Fonte da Praza de España en Sevilla, o Palacio da Aljafería en Zaragoza e o Teatro Campoamor en Oviedo.


Tamén se tinguirán desta cor as fachadas dos concellos de Valencia, Cáceres, Murcia, Selecta e o Cabildo de Gran Canaria. Así mesmo, está convocada unha campaña nas redes sociais co lema #VísteteDeRosa.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress