O uso continuado de roupa axustada pode ter consecuencias negativas na saúde

|

O Colexio Oficial de Fisioterapeutas de Galicia (CoFiGa) advirte das consecuencias dun uso abusivo da roupa axustada no seu videoconsello de outubro/2016 da campaña "12 meses, 12 consellos de saúde", unha iniciativa coa que pretenden previr problemas de saúde.

O uso continuado de roupa demasiado axustada, tal e como aseguran, pode traer consecuencias na circulación, como inchazóns ou retornos venosos, que poden favorecer a aparición de varices ou celulite. Un primeiro indicio destes problemas son as marcas na pel.

Por outra banda, o videoconsello lembra que debemos prestar atención á altura á que abrochamos o pantalón ou a saia, porque pode limitarnos o libre movemento da cadeira e a columna lumbar, producíndonos dor na zona que a longo prazo pode desencadear dor noutras partes do corpo.

O 'videoconsello' dedica unha parte en especial ás mulleres, ás que advirte de que un talle de sostén demasiado pequeno pode provocar problemas na columna dorsal, dificultar a respiración ou comprimir 'puntos gatillo' que provocan dor noutras zonas.

O Colexio Oficial de Fisioterapeutas de Galicia (CoFiGa) realiza estas recomendacións en formato vídeo conxuntamente cos colexios homónimos de Madrid, Cataluña, País Vasco e Navarra, dentro da campaña "12 meses, 12 consellos de saúde".


relacionada ​Os fisioterapeutas galegos reclaman prazas no Sergas

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress