​O Celta gaña o derbi galego (4-1)

|

Onosoderbi

Lance do partido en Balaídos. //Foto: RC Deportivo


O primeiro derbi galego da temporada deixou os tres puntos en Balaídos. O 4-1 final púxoo, para o Celta: Hugo Mallo, Iago Aspas por partida dobre e Orellana. O goleador deportivista foi Albentosa.

O encontro comezou como se agardaba, con intensidade, cun Celta que se foi apropiando da iniciativa no xogo, pero con imprecisións, e un Dépor que buscaba sorprender nalgún contragolpe.

Á media hora chegou o primeiro tanto, obra do capitán celeste Hugo Mallo. Igualou pouco máis tarde Albentosa de cabeza nunha acción a balón parado que lle deu ás ao club herculino para rematar mellor ao descanso.

Co 1-1 no marcador, reanudouse o encontro cun guión similar ao da primeira metade, co Celta sen dominio e o Dépor, sen chegada e sufrindo en defensa, aferrándose ao balón parado para crear perigo.

E cando o equipo vigués recuperou o dominio, unha man de Sidnei dentro da área permitiulle a Iago Aspas romper o empate, que xa non volvería lucir no marcador. Cumpríase a hora de partido, o Dépor non conseguiu reaccionar e só chegou a sentenza do equipo celeste: un remate de Orellana ao fío do minuto 80 e outro gol de Aspas pouco depois puxeron o 4-1 final. O dianteiro de Moaña rompe así a súa maldición, pois non marcara aínda nun derbi galego.

relacionada Un pai do Celta e un fillo do Dépor protagonizan o spot do derbi galego

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress