​"Ou botamos abaixo as reválidas a través da xustiza ou con mobilizacións"

|

Revalidas 3


A Plataforma Galega en Defensa do Ensino Público e o STEG chaman a "baleirar as aulas" contra as avaliacións finais de ESO e Bacharelato da LOMCE, e participar así na folga convocada para o vindeiro mércores, 26 de outubro, a primeira deste curso escolar 2016-2017.


En rolda de prensa, representantes das organizacións integradas nesta plataforma (Confapa, FE-CC.OO., FeSP-UGT, Escola Viva e Iesga) e do STEG expresaron o seu rexeitamento ás reválidas e instaron á administración educativa á anulación do regulamento que regula este sistema, que consideran que supón un "retroceso" e un "ataque profundo" ao sistema educativo.


Por iso, ante este "novo obstáculo" no ensino público, chaman a estudantes e pais a participar na folga contra esta lei que "restrinxe o acceso" ao ensino superior e xera "incerteza" en alumnado e profesorado.


Todas estas organizacións coinciden en tachar de "inútil" o sistema de reválidas, que consideran un "retroceso" para o modelo educativo. Ademais, din, supón un "novo obstáculo" para o acceso aos estudos superiores.


Lois Taboada, da Federación Provincial de Anpas de centros públicos da Coruña, asegurou que as reválidas son un "ataque frontal" contra o dereito de alumnado, profesorado e familias. "É un ataque profundo e demoledor ao sistema educativo", engadiu.


MOBILIZACIÓNS


"Ou botamos abaixo as reválidas a través da xustiza ou con mobilizacións", dixo Taboada. E é que Confapa presentou en setembro un recurso na Audiencia Nacional contra as reválidas solicitando a súa anulación e a súa suspensión cautelar.


"É imprescindible que se poñan en marcha políticas educativas diferentes", subliñou Lois Taboada, que, xunto co resto de representantes, chama a participar na folga e nas manifestacións deste mércores 26 de outubro.


As mobilizacións celebraranse o mesmo día 26 en Vigo, Ferrol e Santiago de Compostela, ás 12.00 horas, e en Ourense, Pontevedra, A Coruña e Lugo, ás 19:30 horas.

relacionada Profesores e alumnos concéntranse en toda Galicia contra as 'reválidas'
relacionada Anpas e defensores do ensino público únense á convocatoria de folga contra as 'reválidas'

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress