​Estremadura releva a Galicia como a comunidade coas pensións máis baixas

|

Pensionistasjubilados


O número de pensións en Galicia situouse en outubro en 756.628, o que representa un incremento do 0,6 por cento con respecto ao mesmo mes do ano anterior cunha cantidade media de 766,32 euros, o que supón unha subida do 2% en relación co mesmo mes de 2015, segundo datos do Instituto Nacional da Seguridade Social (INSS) do Ministerio de Emprego e Seguridade Social.


Deste xeito, a pensión media en Galicia sitúase como a segunda máis baixa de España, tras os 756,11 euros de Estremadura, segundo os datos publicados este martes.


Por provincias, o maior incremento en Galicia correspondeu á da Coruña, cunha subida do 2% ata 808,01 euros; seguida de Pontevedra e Lugo, cun aumento en cada caso do 1,9% ata os 807,27 e 678,81 euros, respectivamente; mentres que en Ourense foi un 1,7% máis ata situarse nos 660,47 euros.


En canto á distribución do número de pensións, das 756.628 en Galicia, 293.052 corresponden á provincia da Coruña; 236.258 á de Pontevedra; 118.198, á de Lugo; e 109.120, a Ourense.


Do total na Comunidade galega, 69.164 corresponden a pensións por incapacidade permanente cunha cantidade media de 827,31 euros; 469.961 son de xubilación cunha media de 870,91 euros; 187.321 de viuvez con 541,83 euros; 24.080 por orfandade con 369,27 euros; e 6.102 a favor de familiares con 477,37 euros.


TOTAL ESPAÑA


En toda España a Seguridade Social destinou neste mes de outubro a cifra récord de 8.576,6 millóns de euros ao pago das pensións contributivas, un 3,13% máis que no mesmo mes de 2015, segundo datos publicados polo Ministerio de Emprego e Seguridade Social.


O gasto global do conxunto de pensións chegou a superar o 8% interanual na antesala da crise (2008). Tras 14 meses consecutivos subindo a taxas interanuais inferiores ao 3%, xa son seis os meses consecutivos nos que se volveu superar esta cifra.


A maior parte dos máis de 8.576 millóns de euros destinados a pagar a nómina das pensións foi a parar ás pensións de xubilación, con 6.040,6 millóns de euros (+3,8%), seguido das pensións de viuvez, ás que se dedicaron 1.511,4 millóns de euros (+1,5%).


O número de pensións avanzou en outubro un 1,2% respecto ao mesmo mes de 2015, ata un total de 9.447.945 pensións, novo máximo do sistema. Aínda que a taxa de crecemento interanual de outubro non é das máis altas dentro na serie histórica da última década, con ela xa se acumulan nove meses consecutivos de crecementos superiores ao 1%.


A PENSIÓN MEDIA DE XUBILACIÓN SOBE


A pensión media de xubilación alcanzou a principios deste mes os 1.047,98 euros mensuais, o que supón un 2,08 por cento máis que en outubro de 2015.


Pola súa banda, a pensión media do sistema, que comprende as distintas clases de pensión (xubilación, incapacidade permanente, viuvez, orfandade e a favor de familiares), situouse en outubro en 907,77 euros mensuais, o que supón un aumento interanual do 1,9%.

relacionada ​La pensión media se sitúa en agosto en Galicia en 764,17 euros
relacionada ​UGT: "Non haberá diñeiro para pagar a extra de nadal de 2017"
relacionada ​Cada español debe aforrar 7.700 euros ao ano para manter o seu nivel de vida tras a xubilación

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress