Atropela un motorista, fúgase e queima o coche da empresa

|

Cochequemado


A Garda Civil investiga a J.P.G.G., de 37 anos e veciño de Carral, pola súa suposta participación nun delito de lesións e outro de danos por atropelar a un motorista, darse á fuga e queimar o vehículo.


Segundo informou o Instituto Armado, os feitos sucederon o pasado día 28 de outubro sobre as 23,15 no quilómetro 32 da vía AP-9F, no termo municipal de Neda, cando o investigado supostamente atropelou a un motorista, ao que lle causou feridas graves e deuse á fuga.


O motorista foi trasladado ao Hospital Arquitecto Marcide de Ferrol e o equipo de Atestados da Agrupación de Tráfico da Garda Civil do Destacamento de Ferrol e unha patrulla de servizo trasladáronse ao momento do accidente para realizar as investigacións oportunas.


Das investigacións practicadas púidose obter a marca, modelo e número de placa de matrícula do vehículo infractor, segundo aseguraron as mesmas fontes.


Aínda que se iniciou un dispositivo de procura para tratar de localizar o vehículo, Protección Civil e Policía Local de Carral tiveron coñecemento da existencia dun vehículo desas características que ardía nunha zona desa localidade.


Ao momento trasladáronse o Equipo de Atestados do Subsector da Coruña e outra patrulla. Aínda que o vehículo estaba totalmente calcinado, conseguiron os datos "esenciais" para "identificar de forma fehaciente como o causante do accidente en Neda", aseguraron as mesmas fontes.


POSITIVO EN DROGAS


Finalmente localizouse ao condutor do vehículo no seu domicilio e practicáronselle as probas de alcoholemia e o test de drogas, no que deu positivo en drogas. Trátase dun home de 37 anos de idade e con domicilio na localidade de Carral, empregado do titular do vehículo.


Ademais do vehículo, no incendio tamén se calcinaron totalmente tres motoserras, unha rozadora e varias ferramentas que portaba o Nissan Navara.


As dilixencias foron remitidas ao xulgado de garda de Ferrol como ampliatorias ás que realizou o Equipo de Atestados do Destacamento de Tráfico da Garda Civil de Ferrol.

relacionada ​Detido un condutor que se fugou despois de atropelar un ciclista

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress