​Vigo amplía o seu orzamento un 5%

|

Abelcaballeromanos


A Xunta de Goberno Local do Concello de Vigo aprobou este martes o documento inicial de orzamentos para 2017, que ascenden a 233 millóns de euros, un 5,15 por cento máis que o do actual exercicio, e que contempla 16 millóns para investimentos.


Segundo avanzou en rolda de prensa o alcalde, Abel Caballero, trátase dunhas contas "para crecer", froito dunha "facenda local saneada e sólida", e nas que non se soben impostos e mantense a "débeda cero".


Entre as grandes partidas, está a destinada a política social (14,2 millóns de euros), que inclúe 4,5 millóns para o servizo de axuda no fogar, 2,5 millóns para o 'cheque social' ou 1,8 millóns para bolsas de libros e comedor. Así mesmo, a partida de educación (13,7 millóns) contempla actuacións en centros escolares, bolsas de inglés ou a dotación para a UNED.


Mentres que a partida de emprego mantense sen cambios significativos, nuns 5 millóns de euros, increméntanse outras como a de deportes (12,6 millóns de euros), ou a de cultura (11,4 millóns de euros), que inclúe recursos para as bibliotecas da cidade, programas de actividades ou o programa de murais nas medianeiras.


A elas súmanse dotacións económicas importantes para a prestación de servizos como o tráfico e a seguridade (16,3 millóns), limpeza viaria (18,8 millóns de euros, iluminación (6,9 millóns) e a recollida de lixo (23 millóns de euros).


INVESTIMENTOS


Ao capítulo de investimentos o goberno pretende destinar o 7 por cento do orzamento, é dicir, uns 16 millóns de euros, o que supón un 60 por cento máis que en 2016. A esta cantidade hai que sumar, precisou o alcalde, os investimentos que se farán con cargo ao superávit e aos convenios asinados coa Deputación de Pontevedra.


Os investimentos irán parar, principalmente, a 'humanización' de rúas, parques infantís, a reforma de Balaídos, instalacións deportivas (entre elas, o novo pavillón das Travesas), ou melloras en infraestruturas das parroquias.


Abel Caballero subliñou que se trata do "orzamento máis importante que aprobou nunca a cidade", e que é "froito da boa xestión e as boas finanzas, de ter unha política sensata", e todo iso "coa presión fiscal máis baixa que ningún concello de Galicia".


O rexedor proclamou que está "aberto a suxestións" por parte da oposición, aínda que precisou que aceptará achegas "en favor da cidade, non da Xunta". "Para aforrarlle diñeiro á Xunta, que é o que lle gusta ao PP, que non conten comigo", puntualizou.


O documento de orzamentos será aprobado inicialmente (grazas á maioría absoluta do goberno local socialista) nun pleno extraordinario proximamente. A partir de aí, abrirase o pazo de exposición pública e presentación de alegacións; unha vez resoltas esas alegacións, celebrarase o pleno no que se aprobarán as contas definitivamente, e iso será "antes de final de ano".

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress