​Descartan motivacións políticas na explosión nunha vivenda en Negreria

A Garda Civil descarta que existan motivacións políticas relacionadas coa explosión dun artefacto na madrugada do domingo nunha vivenda da localidade coruñesa de Negreira.

O incidente saldouse sen ningún ferido aínda que provocou danos nun inmoble que habitualmente está deshabitado, como confirmaron fontes do Instituto Armado.

Así, a Garda Civil sinalou que a familia propietaria da vivenda afectada "carece de vínculos políticos ou delituosos que puidesen indicar outra cousa diferente á hipótese de que o ocorrido foron actos vandálicos que se lles foron das mans aos autores".

O artefacto causante da explosión era un "artificio pirotécnico" que se atopaba "encostado a unha porta" e que, debido á deflagración do mesmo, causou danos na entrada do inmoble..