#Claves de la semana

​Falece o ocupante dun coche que caeu ao mar no porto de Muros

Os servizos de emerxencias trataron de reanimar a vítima tras ser rescatada do turismo, pero non foron quen de lle salvar a vida.


|

Puertomuros

Dársena de Muros. //Foto: europapress.


Unha persoa morreu este venres tras caer co seu vehículo ao mar na zona do porto de Muros, na Coruña. Aínda que os servizos de emerxencias trataron de reanimar a vítima tras ser rescatada do turismo, finalmente resultou falecido.


Segundo informou a Europa Press o Centro de Atención a Emerxencias 112-Galicia, foi un particular quen deu a alerta sobre as 14,45 horas deste venres, indicando que un vehículo se precipitou ao mar no porto de Muros.


Ao lugar trasladáronse os Servizos de Urxencias Médicas 061, o GES e a Policía Local de Muros, así como os Bombeiros de Cee. Tamén foi mobilizado o Servizo de Gardacostas e Salvamento Marítimo.


Fontes de emerxencias confirmaron a Europa Press que o ocupante do vehículo foi rescatado do seu interior e que, porteriormente, foi atendido por persoal sanitario do helicóptero medicalizado con base en Santiago, desprazado ata a zona. Con todo, finalmente a vítima faleceu.


Ata o punto desprazouse tamén o barco auxiliar Sebastián de Ocampo, de Salvamento Marítimo, para proceder a retirar o vehículo do mar.

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE