​Deteñen unha banda que cometeu máis de trinta roubos en vehículos en Pontevedra

|

Furgoneta

A Garda Civil vén de deter os tres integrantes dunha banda que, supostamente, cometeu máis dunha trintena de roubos en vehículos en distintas localidades da provincia de Pontevedra.


Da 'Operación Orbital' informou a Benemérita a través dun comunicado, no que detalla que se trata de J.S.D., de 44 anos e veciño de Covelo; I.V.P., de 32 anos e residente en Ponteareas; e J.M.V.F., de 41 anos e empadroado en Mondariz.


En canto aos roubos, cometéronse en Pontecaldelas, Ponteareas, O Porriño e Mos e en case todos os casos se trataba de pequenas furgonetas Citroën Jumpy e Peugeot Partner propiedade de empresas. Do seu interior extraían maquinaria, ferramentas e mercadoría, e algúns destes bens acháronse en casa dun dos detidos.


Xunto cos roubos, o Instituto Armado considera que os arrestados poden ser tamén os autores de varios furtos en distintos establecementos comerciais e hostaleiros das zonas nas que actuaban.


Dous dos detidos xa foron postos en liberdade polo xulgado, coa obrigación de comparecer cando sexan citados; mentres que o considerado xefe do grupo, o ponteareán, atópase en prisión preventiva.

relacionada ​Desarticulada unha banda que cometeu roubos en 15 centros escolares galegos

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress