O Goberno reducirá o IVE de eBooks e prensa dixital do 21% ao 4%

|

Ebooklibroelectronico


O ministro de Economía, Industria e Competitividade, Luís De Guindos, asegurou este martes que o Goberno reducirá o tipo de IVE que se aplica a eBooks e publicacións dixitais para equiparalo co que se grava á prensa e os libros en papel, en liña coa última proposta da Comisión Europea, co que o tipo baixará do 21% ao 4%.


De Guindos explicou que os ministros de Economía e Finanzas da Unión Europea (Ecofin), discutiron a proposta de Bruxelas sobre o imposto ao consumo do comercio electrónico, que inclúe, entre outras cousas, dar a posibilidade aos Estados membros de igualar o gravame que se aplica ás publicacións dixitais e ás impresas.


Na actualidade, a normativa europea unicamente permite aplicar un IVE reducido, superreducido ou nulo aos libros e as publicacións en papel e non ás dixitais. España grava cun 4% ás primeiras e aplica un IVE do 21% ás segundas.


Preguntado por se o Executivo rebaixará o gravame para as publicacións dixitais unha vez sexa aprobada a proposta de Bruxelas, o titular de Economía afirmou que "esa é a idea", posto que "non existe unha razón para que haxa un gravame diferenciado".


O ministro sinalou ademais que a intención é equiparar ambos os tipos "dunha soa vez" e non de forma gradual.

relacionada ​La Biblioteca Digital ONCE facilita la lectura de más de 50.000 obras

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress