​Chega a Lugo 'Elas', un libro e exposición que recupera "a historia das mulleres galegas"

|

Auroramarcoelas


Presentouse no Museo Interactivo da Historia de Lugo (MIHL) 'Elas', un libro acompañado dunha exposición de cadros que reivindica o papel da muller na sociedade galega. O libro é obra de Aurora Marco, que "leva, coma quen di, toda a vida investigando o papel da muller na historia de Galicia" e foi editado por A Xanela Editorial, nunha tirada de 155 exemplares numerada. Ademáis, está acompañado polos cadros de oito artistas galegas.


A autora recoñece nun comunicado que escribir 'Elas' levoulle media vida. "Comecei a investigar case ao mesmo tempo que coa docencia. Fixen traballos sobre lingua e literatura galega e a súa didáctica; editei algúns clásicos; publiquei varias biografías... mais, desde hai máis de 20 anos, estou centrada na recuperación da historia das mulleres galegas".


'Elas' reivindica o papel da muller na sociedade. "A indiferenza das administracións e de parte da sociedade, os planos de igualdade, as disposicións e as leis a favor da mesma son papel mollado se non hai un interese para que mude a situación da poboación feminina", afirma Aurora Marco.


Coa chegada ao Museo Interactivo da Historia de Lugo (MIHL) esta obra, xunto á exposición que o acompaña, continúa un periplo que comezou o pasado ano na Coruña e que percorreu Pontevedra, Vigo e Ribeira. Na exposición, aberta no MIHL ata o 31 de xaneiro, poden verse as obras orixinais que acompañan ao libro realizadas polas artistas galegas Chelo Rodriguez, Ehlaba Carballo, Irene Silva Xiraldez, Mª Manuela, Mª Xesús Diaz, Novais, Sabela Arias Castro e Vanessa Lodeiro. A investigadora Aurora Marco quedou moi satisfeita co resultado final. "Sen térmonos coñecido nin falado antes, as pintoras só sabían de que ía o libro, captaron moi ben o espírito que eu buscaba nesta publicación. É e curioso, moitas das mulleres que vemos nestes cadros que nos atrapan pola súa beleza están reflectidas nas biografías que recollo". 

relacionada O papel da muller centra a edición 2016 do Festival Amal

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress