​A constitución de empresas cae un 6,2% en decembro en Galicia

|

Empresas gallegas

A constitución de sociedades mercantís caeu un 6,2% en decembro en Galicia, ao contabilizarse 303, segundo os datos do rexistro que publica este xoves o Instituto Galego de Estatística (IGE).


Foron 76 menos que as empresas creadas en novembro, é dicir, case un 20,1% menos. Mentres, o capital medio subscrito ascendeu a 30.704 euros.


Por provincias, A Coruña e Pontevedra rexistraron o maior número de constitucións, co 46,53% e o 42,24%, respectivamente. O 7,59% das novas empresas constituídas fixou a súa sede en Lugo e o 3,63% restante en Ourense.


Case todas as empresas constituídas en decembro en Galicia adoptaron a forma de sociedades de responsabilidade limitada (o 97,7%). O capital medio subscrito por este tipo de sociedades foi de 30.706 euros por empresa.


O 28,7% das empresas creadas en decembro pertencen á rama do comercio. As seguintes actividades en importancia son a hostalería (10,9%) e as actividades inmobiliarias, financeiras e de seguros (10,6%).


A presenza do sexo masculino segue sendo maioritaria na creación de empresas, como en meses precedentes: 318 socios (o 78,13% do total) fronte a 89 socias (21,87%) no último mes do pasado exercicio.


Ademais, adoitan estar compostas por un número de socios moi pequeno, limitado nunha porcentaxe moi elevada das constitucións a unha soa persoa. De feito, en decembro, o 71,9% das sociedades constituídas foron creadas por un único socio fundador e o 21,1% por dous socios.


En decembro de 2016 disolvéronse 145 sociedades mercantís en Galicia, 17 menos que en novembro. En comparación co dato de hai un ano, o número de disolucións diminuíu en 45 unidades, case un 23,7%.


102 AMPLIACIÓNS, 24 REDUCIÓNS


Por outra banda, en decembro de 2016 ampliaron o seu capital social 102 sociedades mercantís. O capital ampliado por estas sociedades ascendeu a 61,5 millóns de euros. Con respecto ao mesmo mes do ano pasado, en decembro ampliaron capital 23 sociedades menos.


Outras 24 empresas galegas reduciron o seu capital social en decembro e este mes rexistráronse, ademais, sete procesos de fusión e dúas de escisión.


O mes de decembro pechou con 18 sociedades afectadas por concurso de acredores. No mesmo mes de 2015 houbo cinco sociedades máis afectadas por esta situación.

relacionada ​Galicia perdeu 1.687 autónomos en 2016, só por detrás de Castela e León

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress