A "mala calidade" das augas da ría de Muros e Noia afecta á campaña dos mariscadores

|

Riademurosenoia

A Plataforma en Defensa do Mar (Plademar) de Muros-Noia reuniuse este mércores co alcalde de Noia, Santiago Freire, para trasladarlle as súas principais reivindicacións como a reclamación dunha mellora da calidade das augas da ría que critican incide na mala campaña que atravesan os mariscadores.


Nun encontro entre Plademar, Concello e a Confraría de Pescadores San Bartolomé de Noia, esta plataforma solicitou a constitución dunha mesa sectorial para contribuír ao diálogo para que a administración "teña un contacto directo e regular cos diferentes axentes do sector do mar".


Así mesmo, demandan a ampliación da depuradora para vender máis produto de forma directa, "xa que iso pode facer que suba o prezo" do produto.


Nun comunicado, Plademar mostrou a súa satisfacción por esta reunión, na que expuxo outras cuestións como a posibilidade de apostar por unha denominación de orixe protexida, abrir a poxa a Internet ou unha mellora do medio ambiente.


Respecto das demanda de orixe protexida, a confraría explicou a imposibilidade de levala a cabo porque non se permitiría realizar certas actuacións, polo que se traballa por conseguir unha marca de calidade, mentres os traballos sobre trazabilidade do berberecho estarán listos o ano que vén. No tocante a abrir a poxa a Internet, a confraría tamén o descarta por que sería inviable debido aos custos do envío.


Finalmente, Plademar mostrou a súa preocupación polas "ilegalidades cometidas" pola mina de San Finx e a súa influencia na calidade das augas.

relacionada ​As verteduras residuais limitan a calidade do marisco na Ría de Arousa

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress