​Só un de cada cinco galegos confía en que a UE sexa duradeira

|

Banderaue


Os galegos, do mesmo xeito que no conxunto do Estado, son escépticos en relación ao futuro da Unión Europea e soamente un 20 por cento dos cidadáns de Galicia confía en que a UE sobrevivirá ao actual contexto socio-político.


Así o recolle o IV Informe Monitor de Cambridge University Press, que mostra "o pesimismo dos galegos sobre o futuro da UE". En concreto, unicamente o 26% dos galegos expresa "un forte vínculo con Europa", segundo reflicte o documento.


Ademais, o 32 por cento dos cidadáns de Galicia sostén que non ve futuro tampouco no euro como moeda común e un de cada dous cre que desaparecerá en menos de dez anos.


Galicia é, ademais, "bastante pesimista" respecto da situación da economía nacional, segundo se indica no informe, que recolle que o 54 por cento a ve "bastante ou moi negativa", aínda que esta é a visión máis optimista de España.


Á marxe do pesimismo, Galicia é unha rexión feliz, xa que o 59 por cento dos galegos admite que "é bastante ou moi feliz", un punto por encima da media nacional.


INGLÉS


Así mesmo, a galega é unha das rexións con maior nivel de inglés declarado (2,75 sobre 5). Ademais, a porcentaxe de poboación que recoñece ter un nivel alto ou moi alto de inglés é relativamente alta (24% fronte ao 22% medio).


O nivel de inglés está relacionado cos principais indicadores de desenvolvemento dun país como seguridade social, medio ambiente, sistema educativo e laboral, segundo se indica no IV Informe Monitor de Cambridge University Press.


Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Condiciones de uso Consejo editorial
Powered by Bigpress