Feijóo ve "demoledor" un estado de alarma que "se carga o consumo" en Nadal e "pecha" Semana Santa

|

O presidente da Xunta, Alberto Núñez Feijóo, durante a XXIII Conferencia de Presidentes, na que participan o presidente do Goberno, Pedro Sánchez, e a presidenta da Comisión Europea, Ursula von der Leyen.

O presidente da Xunta, Alberto Núñez Feijóo, cargou este luns contra a fórmula elixida polo Goberno que dirixe Pedro Sánchez para a xestión da pandemia e, após insistir en que sería necesario adaptar a lei orgánica de saúde, advertiu que o estado de alarma é "demoledor" para España.

"Lamentámolo, pero cremos que nos estamos equivocando", sentenciou, nunha rolda de prensa que ofreceu após a reunión da Conferencia de Presidentes, centrada na repartición dos fondos europeos de reconstrución.

Após as novas decisións adoptadas a nivel estatal, Feijóo advertiu que, ao seu xuízo e "probablemente sen pretendelo", o Goberno está "a xerar alarma e desconfianza" ao decretar o estado de alarma e suxerir que se prolongará até maio. Todo iso, acompañado de "un toque de queda" para o conxunto do país.

O presidente galego ve inexplicable que "hai dúas semanas" as autoridades sanitarias estatais apuntasen que España se atopaba nunha situación de "estabilidade" e este domingo adoptásense medidas que vinculou cun "estado de excepción". Ao seu modo de ver, terán un efecto "demoledor" para a economía e a reputación internacional do país.

"Puxemos en cuestión o Nadal e tamén a Semana Santa dando un pau durísimo a todo o sector turístico e hostaleiro", indicou o presidente, quen insistiu en que se podería xestionar "igual" e "sen tanto alarmismo" a pandemia cunha lexislación adecuada, que volveu a insistir en articular.

"É un pau enorme ás expectativas de reconstrución da nosa economía e un pau sen precedentes ao sector hostaleiro e de servizos. É non só cargarse o consumo en Nadal, senón pechar a Semana Santa", lamentou.

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress