CELEBROUSE O LUNS EN BAIONA

Caballero considera "intolerable" que o Cumio Hispanoluso non se celebrara en Vigo

|

El alcalde de Vigo, Abel Caballero, acusou de "intolerable" e "inasumible" que o XXVIII Cumio Hispanoluso que tivo lugar o luns en Baiona (Pontevedra) non se celebrase na cidade olívica, pois, segundo recalcou, é o "centro" e "eixe" de unión da Eurorrexión e da cultura española e portuguesa.


En declaracións aos medios, o rexedor subliñou que Vigo é, "por enriba de ningunha outra cidade de Galicia e de España", o "nexo" de unión entre Galicia e o Norte de Portugal. Así mesmo, recordou que a cidade "falou", en alusión aos resultados electorais (que lle outorgaron unha maioría absoluta de 17 edís), e que, malia iso, "a primeira decisión política" do Goberno central e da Xunta foi "desprezar" á cidade olívica.

Caballero atribuíu a decisión ao carácter "sectario" do PP e dos seus gobernos, e advertiu de que, cando os populares vaian á cidade a facer campaña nas próximas xerais, lles recordará este "desplante".

O alcalde rexeitou que Vigo non puidese ser sede do cumio por motivos de espazo ou de seguridade, porque se podería facer "nunha morea de lugares". Ademais, recordou que nese cumio se tratou unha cuestión (a electrificación do tren Vigo-Oporto) que afecta directamente á cidade. 

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial
Powered by Bigpress