Upa e Coag: "Non consentiremos que ningún gandeiro saia imputado tralas mobilizacións"

O secretario de Organización de Coag, Andoni García, e o secretario de Ganadería de Upa, Román Santalla.

O secretario de Gandería de Upa, Román Santalla, subliñou este mércores que a súa organización non vai "consentir" que ningún gandeiro saia afectado por participar nas mobilizacións que se levaron a cabo para defender o sector, como a que se desenvolveu ante o centro loxístico de Dia.

Santalla, quen participou este mércores na rolda de prensa conxunta de Coag (na que está integrado o Sindicato Labrego Galego) e Upa (da que forma parte Unións Agrarias) para explicar o seu rexeitamento ao acordo do sector lácteo, onde refiriu que máis de cen gandeiros recibiron cartas por parte da empresa con reclamacións polos danos derivados da protesta, unha situación "moi estrana" ante a que "non oculta a súa preocupación".

Engadiu que nestes momentos están a manterse contactos coa multinacional coa que esperan "entenderse" para que esta situación "quede en nada".

Pola súa banda, o gabinete de Comunicación de Dia lembrou  -ante as perdas provocadas polo bloqueo da actividade da empresa polos gandeiros- ían tomar medidas legais. No que respecta ás reclamacións, o proceso "segue o seu curso legal".