CARTELLE SERA A SEDE DA FUNDACION CARLOS VELO

Carlos Velo terá un espazo creativo propio no Festival Internacional de Cine de Ourense 2016

|

O cineasta galego Carlos Velo (Cartelle, 1909 – México, 1988) contará a partir de 2016 cunha sección fixa dedicada á súa obra e figura no Festival de Cine Internacional de Ourense (OUFF). 


VeloCartelle

De Izq. a dcha. Laura Gardos, Belén Iglesias, Carmen Leyte y Anxo Lorenzo


O novo espazo –presentado en rolda de prensa polo secretario xeral de Cultura, Anxo Lorenzo; pola alcaldesa de Cartelle, Carmen Leyte; pola concelleira de Cultura de Ourense, Belén Iglesias, e por Laura Gardos, neta do cineasta– contará cunha programación propia no marco do festival, que se prolongará noutros puntos da provincia de Ourense, con actividades en Cartelle, Celanova e O Carballiño, municipios vinculados á traxectoria vital de Velo.


Aínda que a programación coa que se porá en marcha a sección, coincidindo coa vixésima primeira edición do festival, se atopa en proceso de definición, o secretario xeral de Cultura informou de que está previsto que as actividades xiren arredor de ‘Torero’, película dirixida polo cineasta no ano 1956 en México, país no que se exiliou e onde desenvolveu boa parte da súa carreira profesional.


Unha fundación para difundir o seu legado


Na rolda de prensa, celebrada no Centro Cultural Ángel Valente, a alcaldesa de Cartelle anunciou tamén a próxima constitución da Fundación Carlos Velo, unha iniciativa que nace co obxectivo de contribuír a perpetuar a memoria do cineasta e que contará coa implicación de profesionais de diferentes ámbitos vinculados coa figura de Velo, xunto co apoio da Xunta de Galicia e da Deputación Provincial de Ourense.


Finalmente, Anxo Lorenzo tamén lembrou que actualmente se pode visitar na Cidade da Cultura de Galicia unha exposición sobre outro ourensán universal, o fotógrafo alaricano José Suárez, representante dunha xeración de intelectuais que se converteron en figuras sobranceiras da historia da imaxe e do audiovisual galego.


A ponte do exilio


Nesa liña, a neta de Velo , Laura Gardos, resaltou a achega dos refuxiados españois do franquismo ao México que os recibiu. Ela mesma, relatou, tivo como mestre a un exiliado español, o que acentuou a sensación de compartir dúas culturas.


En ocasións, dixo, «o exilio, máis que ser un longo adeus, é unha ponte. Ese ir e vir fai que nos retroalimentemos. Neste caso o que Carlos Velo fixo en México vén florecer aquí e o que levou cara alá deixou o seu camiño ben sementado en México».


Rescatar as raíces e fortalecer esa ponte para fuxir da división e a monocultura é unha tarefa para o novo proxecto que, dixo, acolle con


Colaboración co OUFF


Promovido polo Concello de Ourense coa colaboración da Consellería de Cultura e Educación, a través da Axencia Galega das Industrias Culturais (Agadic), entre outras entidades, o OUFF arrancou o pasado sábado 15 de novembro a programación da súa vixésimo edición coa estrea europea de ‘Lobos sucios’, do director coruñés Simón Casal.


Ademais, a Agadic tamén contribúe á programación desta vixésima edición do festival co I Encontro de Coprodución Audiovisual Portugal Galicia, co lanzamento do novo catálogo ‘Films from Galicia’ e coa presentación dun avance da nova edición de ‘Cinemas de Galicia’, tres actividades especificamente dirixidas á promoción do audiovisual galego.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress