A Deputación pensa ceder de novo a xestión do Dolmen de Dombate
A Deputación da Coruña manifestou mediante un comunicado a súa intención de asinar nas vindeiras semanas un convenio polo que lle cederá unha vez máis a xestión do Dolmen de Dombate ao Concello de Cabana de Bergantiños, establecendo unha comisión paralela de seguimento do xacemento.
A Deputación da Coruña manifestou mediante un comunicado a súa intención de asinar nas vindeiras semanas un convenio polo que lle cederá unha vez máis a xestión do Dolmen de Dombate ao Concello de Cabana de Bergantiños, establecendo unha comisión paralela de seguimento do xacemento.
Deste xeito, o concello seguiría quedando encargado de xestionar as visitas libres e guiadas, ademais do programa anual de actividades. Paralelamente estableceriase unha "comisión político-técnica" composta por catro membros nomeados pola deputación, catro polo concello e catro pola Xunta. A súa labor sería "facer seguimento dos termos do convenio e das esixencias específicas de preservación e posta en valor dun monumento da singularidade do Dolmen de Dombate".
Polo de agora, o Concello de Cabana xa presentou un programa de actividades para o presente ano que, segundo a Deputación, son coidadosas coa protección do dolmen e que comezarán en breve co inicio das visitas guiadas deste ano máis a mostra de fotos antigas “Inverno da memoria” que abrirá en breve no espazo expositivo anexo.
A decisión da Deputación vai en contra das reclamacións da plataforma Salvemos Cabana, que pedía este mesmo martes que non se renovase o convenio co Concello de Cabana, denunciando a utilización do monumento "como mero salón de actos para a realización incontrolada de todo tipo de actividades" poñendo en perigo a súa conservación.
Escribe tu comentario