O Celta certifica o seu pase a cuartos

O Celta impúxose de novo ante o Cádiz por 2-0 no partido de volta de octavos de Copa, asegurando con solvencia o seu billete para o sorteo de cuartos de final. Agora toca esperar para coñecer o seguinte rival dos celestes nunha competición que pode dar moitas alegrías. 

Non houbo sorpresas onte en Balaídos, aínda que o Celta tivo que esforzarse para conseguir a súa victoria. Empezou con forza o Cádiz, ante un Celta ao que lle costou arrincar, quizais polo temporal que caía sobre Balaídos, quizais pola contundencia do rival ou pola comodidade que lle otorgaba o 3-0 que conseguira no partido de ida. 

Pero o Cádiz estaba xerando perigo e os celestes foron despertando. Aos 34 minutos, bo pase de Señé cara Guidetti, que foi derribado polo gardameta rival. O dianteiro sueco non perdoou o penalti e adiantou ao Celta no marcador, creando un escenario casi imposible para o Cádiz. 

Trala reanudación, os andaluces seguiron plantando cara, pero os celestes dispuxeron das mellores ocasións. Aos 31 minutos, Drazic anotaba o segundo cerrando a eliminatoria cun contundente 5-0.