A CIG denuncia amoreamentos no hospital de Lugo

A Sección Sindical da CIG-Saúde envioulle un escrito "á xerencia da área integrada de Lugo, no que denuncia unha situación de "amoreamento" nas urxencias do Hospital Universitario Lucus Augusti durante a noite do pasado domingo 24 de xaneiro. 

Denuncian que "debido a unha intensa afluencia quedaron pacientes na sala de espera", onte tiveron que pasar a noite nas camas que lles facilitaron. Sinalan que algúns deles "non puideron pasar a a observación porque se atopaba cheo, e algún que outro estaba pendiente de ingreso".

Dende a CIG lembran que neste hospital hai "dúas plantas completamente pechadas e outra máis que só está dedicada á atención de pacientes cirúrxicos" e que, por tanto, "non se pode contar con ela para facer ingresos ordinarios".

"Non hai ningunha planificación feita para facilitar a adecuada estancia aos pacientes", denuncia o sindicato, que ve esta situación "crónica e reiterativa", ademais de "empeorar no tempo".

O sindicato admite que polo de agora non lle poden botar en cara a situación ao novo xerente, Ramón Ares, pero lémbranlle a "responsabilidade que terá de agora en diante".