Comeza a Copa do Obradoiro

Este xoves comeza na Coruña unha Copa do Rei moi especial para o baloncesto galego. O Obradoiro xoga a súa primeira fase final nesta competición, exercendo ademais de anfitrións do torneo. 

Os galegos tentarán dar a sorpresa coa vantaxe de xogar na casa, malia que as opcións de levarse o torneo son escasas, despois de todo son o equipo con menor orzamento dos 8 propostos. 

Pero a ilusión non se apaga, os xogadores chegan emocionados a unha cita na que tentarán ofrecer o seu mellor nivel, pero concentrándose en disfrutar dunha experiencia pola que se levaba moito tempo agardando. Nas redes sociais o Obradoiro está recibindo un gran número de apoios, de feito xa ten a súa propia etiqueta de ánimo en twitter, #Copadoiro. 

Os galegos estrenaranse este venres ás nove e media da noite xogando contra o Baskonia, un equipo poderoso que os derrotou recentemente na Liga. Antes, este xoves abrirá a competición un partido entre o Barcelona-Bilbao (19:00) e outro entre Valencia-Herbalife-Gran Canaria (21:30). O venres, antes do Obradoiro xogarase o Real Madrid-Fuenlabrada (19:00). 

A previsión é unha competición igualada, na que ninguén se atreve a apostar por un claro favorito. Nos últimos anos o Barcelona e o Real Madrid coparon títulos e finais, pero este ano tanto o Baskonia como o Valencia chegan fortes e poderían alzarse co título.