En Marea prepara o terreo para as autonómicas

|


Concentrados na formación de Goberno en España, é sinxelo esquecer que as autonómicas tamén están á volta da esquina, aínda que finalmente Feijóo cumpla co seu propósito de rematar a lexislatura. Dende logo, dende En Marea non o o olvidan, e este mércores a súa voceira no Congreso aproveitou para mandar unha mensaxe aos socialistas galegos de cara aos comicios autonómicos. 


Alexandra Fernández pediulle aos deputados socialistas de Galicia que se desvincule o seu "non" para Pedro Sánchez do proceso electoral que haberá en Galicia este ano. Asegurou que lamentarían que a "oportunidade perdida" do candidato socialista empañase a posibilidade de orquestar unha alternativa en Galicia para o que Xosé Manuel Beiras denominara como a "brigada de demolición e etnocidio que representa o Goberno de Feijóo".


"Nós lamentarémolo, pero será o noso pobo quen non llo perdoará a vostedes", espetoulles Alexandra Fernández, quen no seu discurso reivindicou a Galicia como "nación", advertindo de que "autogoberno e benestar económica son, en Galicia, dúas caras da mesma moeda que non se poden separar". 


A mensaxe de En Marea foi recibida polo líder dos socialistas galegos, José Ramón Gómez Besteiro, que lle aconsellou non facer "previsións de futuro" e centrarse na formación de Goberno en España. Ademais, defendeu a "actitude" do PSOE con En Marea, que considera "máis positiva que a da propia formación da que forma parte no grupo parlamentario de Madrid". 




Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress