Alertan contra o aumento das multas nas protestas cidadás

Varias plataformas sociais, como 'Stop desafiuzamentos' ou 'Esculca' alertaron este venres sobre un incremento das sancións económicas que se están aplicando por actos de protesta cidadá en Galicia

O voceiro do Observatorio para a Defensa dos Dereitos e Liberdades, Xosé Manuel Pacho, amosouse "alarmado", critica duramente unha tendencia sancionadora que pretende "someter a fiscalización o dereito a resistencia" dos cidadáns, algo que para el "non é o camiño". 

Como exemplo presentan o caso dunha militante do BNG ourensano que recibiu unha multa de 110 euros "por desobediencia" durante un acto contra o derribo dunha casa. 

Esta militante, chamada Ximena González, asegurou que está acusada de "saltar un cordón policial", cando segundo dela o único que se produciu foi unha identificación. "Un policía pediume o DNI e eu deillo. Meses despois chegoume unha multa económica a través da nova lei", explicou. 

Considera "absolutamente impresentable que por estar nunha convocatoria e dar soporte uns veciños teñamos que pagar por esa solidaridade", sinalou antes de asegurar que considera este tipo de multas unha forma de presión para aumentar o medo a mobilizarse.