A neve dificulta a circulación en Lugo e Ourense

|


Tralas inundacións e problemas circulatorios que deixaron as choivas este mércores, agora chega o turno da neve. A entrada dunha fronte fría en Galicia baixou as temperaturas, provocando nevadas que están dificultando a circulación en vías principais da montaña de Lugo e Ourensa, así como nalgunhas estradas secundarias. 




En concreto, segundo a información da DXT, a peor situación está na montaña de Lugo, onde a circulación é difícil para chegar a varios núcleos de poboación en concellos como O Cebreiro, A Fonsagrada ou Cervantes.



Así mesmo, é necesario o uso de cadeas para transitar polo Alto do Poio, en Pedrafita do Cebreiro. A circulación é difícil neste tramo da LU-633, ata o quilómetro 20, onde está prohibida a circulación de autobuses, camións e articulados.



Do mesmo xeito, tamén se require precaución para circular por mor da neve na autovía A-52 á altura da Gudiña (Ourense), entre os quilómetros 112 e 132.



Por outra banda, continúan os problemas de tráfico na estrada AC-433 en Ponteceso (A Coruña), onde a circulación está interrompida por desprendementos causados polas fortes choivas deste mércores no quilómetro 5,2.

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress