​A A-76 podería comprometer a declaración da Ribeira Sacra como Patrimonio da Humanidade

O Congreso aprobou esta semana unha resolución que pide acelerar a construcción da autovía A-76 que unirá Ourense e Ponferrada, grazas aos votos favorables de PP, PSOE e Ciudadanos e cos únicos votos negativos de En Marea.

Pero esta resolución ten suposto a renovación das críticas dos ecoloxistas de Adega, que cargan contra unha infraestructura “innecesaria e carísima” que podería danar seriamente os valores naturais e culturais da Ribeira Sacra, comprometendo segundo eles o seu posible nomeamento como Patrimonio da Humanidade.

Denuncian que a obra carece “de calquera base técnica, particularmente no referido á densidade do tráfico que xustifique a súa construcción”. Citan datos oficiais do Ministerio de Fomento para asegurar que ningún dos treitos do trazado “acada o tráfico mínimo necesario para proxectar un desdobramento de calzada”. Por iso consideran que as razón para levar adiante a obra tan só poden ser de índole económico ou electoralista.

Ante esta situación, advirten que a obra podería danar seriamente formacións xeolóxicas (karsts calcarios) moi escasas en Galicia, hábitats prioritarios, máis de 140 especies protexidas e un enorme patrimonio cultural e inmaterial.

Ademais, entenden que esta obra podería comprometer unha declaración da Ribeira Sacra como Patrimonio da Humanidade pola UNESCO, que concita o apoio case unánime de institucións, entidades sociais, colectivos ecoloxistas, cidadanía...

Sinalan que a UNESCO é clara nos seus condicionantes, citando a súa directriz 90: “os procesos biofísicos e as características da terra deberán estar relativamente intactos", e as actividades que no espazo se desenvolvan deben"estare en harmonía co Valor Universal Excepcional da área e seren sustentábles dende o punto de vista ecolóxico".