#Claves de la semana

​Ana Pontón pensa que Feijóo intenta "fuxir da sombra" de Mariano Rajoy

A voceira do bloque entende que o presidente da Xunta non adianta as eleccións para non presentarse xunto ao líder do seu partido


|


Trala confirmación de Alberto Núñez Feijóo de que non adiantará as eleccións galegas para facelas coincidir coas xerais do 26 de xuño, sucédense as reaccións do resto de partidos. Unha das primeiras e máis claras na súa resposta foi a voceira nacional do BNG, Ana Pontón, que cuestionou os motivos esgrimidos polo presidente da Xunta.


Se Feijóo entende que non sería o "correcto" aproveitarse da "crise" do resto de partidos, Pontón interpreta que máis ben intenta "fuxir da sombra" de Mariano Rajoy" para que o electorado non vincule a súa figura coa do presidente do goberno en funcións.


En todo caso, Pontón recoñece que a decisión lles dá "máis tempo" para "fortalecer a alternativa" nacionalista fronte a un goberno que "representa o pasado, un gobierno que non ten nada que ofrecer xa aos galegos".


PARA O PSdeG "TIRA A TOALLA"


Pola súa banda, o voceiro parlamentario do PSdeG, Xosé Luis Méndez Romeu, considera que celebrar as eleccións cando tocan debe ser a norma xeral, lamenta que o debate sobre un adianto electoral saltase ao primeiro plano pola "ambición de persoal de Feijóo", ao que acusa de intentar "colocarse en Madrid, onde definitivamente lle pecharon as portas".


En todo caso, considera que o presidente da Xunta "tirou a toalla", que preside unha administración paralizada que non da resposta aos problemas dos galegos e que os meses que restan de lexislatura serán de "propaganda e publicidade electoral".

Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE