O parlamento galego anticipa unha campaña dura

Aínda quedan máis de cinco meses para as eleccións autonómicas, pero os ánimos comezan a caldearse. O que hai unha semana era unha sesión de control para o presidente da Xunta por parte do líder da oposición é hoxe na práctica unha confrontación entre o candidato do PPdG e un dos principais candidatos nas primarias do PSdeG. E o cambio nótase e moito.

Nun tenso intercambio sobre o paro, Alberto Núñez Feijóo non dudou en aludir ao proceso interno dos socialistas galegos, espetándolle a Xosé Luis Méndez Romau que vixiara quen lle proporcionaba os datos, "non vaia a ser que estean traballando para outro candidato.

Non se arredou o socialista, que recolleu o reto verbal contestándolle a Feijóo que deixara de "dar ordes aos seus esbirros" para que lle preparasen dossieres de prensa sobre os candidatos socialistas, pregúntandolle se pensaba repetir "a campaña suxa do 2009" na que Feijóo lle arrebatou á Xunta ao bipartido.

E é que o ano 2009 tamén estivo moi presente, Feijóo resucitou a vella polémica dos coches oficiais do bipartito. Ante as críticas sobre recortes e destrucción de emprego, o líder dos populares espetoulle a Romeu que o que recortaron foron "os despachos, os coches e asesores, e diso sabe vostede bastante. "