​Reclaman un modelo de atención domiciliaria acorde á “nova realidade asistencial”

A Asociación Galega de Enfermería Familiar e Comunitaria acaba de reclamarlle ao Sergas un modelo de atención domiciliaria que se adecúe á “nova realidade asistencial”.

Fixérono mediante cartas dirixidas a varios cargos da Dirección Xeral de Asistencia Sanitaria, nas que poñen de manifesto o “incremento” na demanda de coidados no domicilio na nosa comunidade, froito da situación actual de “envellecemento da nosa poboación” xunto coas “enfermidades crónicas e limitacións básicas da vida diaria”.

Por iso reclaman que a atención domiciliaria teña máis peso nos acordos de xestión, que se melloren os indicadores desta actividade para “coñecer o seu impacto en resultados de saúde e económicos” e que se fomenten as consultas domiciliarias preventivas e de seguimento para así evitar visitas curativas posteriores (realización de curas, administración de tratamentos…)