Patricia Vilán relevará a Méndez Romeu no parlamento

|


Patricia Vilán será a nova voceira do PSdeG no parlamento, a encargada de interpelar a Alberto Núñez Feijóo durante o que resta de lexislatura trala dimisión de Xosé Luis Méndez Romeu debido á súa derrota nas primarias. 


A xestora que dirixe na actualidade o partido opta así pola renovación, xa que gran parte dos que que poderían ser sustitutos naturais do anterior voceiro, como a actual vicevoceira Carmen Gallego, tamén se descartaron polo seu apoio á candidatura de Méndez Romeu durante o proceso de primarias. 


De todos xeitos, a decisión aínda non é oficial. A xestora que dirixe o PSdeG convocou para este mércores aos integrantes do grupo parlamentario a fin de abordar a substitución. Está previsto que a presidenta da xestora, Pilar Cancela, acuda a este encontro para "escoitar" aos 18 deputados e definir a nova dirección do grupo.


DIMISIÓN DE ROMEU


O voceiro parlamentario do PSdeG, Xosé Luis Méndez Romeu, confirmou a súa dimisión como voceiro parlamentario do partido trala súa derrota nas primarias fronte a Xaquín Fernández Leiceaga.


Asegura que entende e agradece o depósito de confianza do seu rival e da comisión xestora do PSdeG, que lle pediron que continuara. Pero asegura que a “mellor solución é que se nomee unha nova persoa”, porque do contrario existiría o risco de que se producirán “contradicións, puntos de vista distintos que en nada favorecerían á unidade de discurso” que debe ofrecer o partido neste partido.


Ademais, trala derrota electoral interna sinte que “a maioría da organización non respalda” a súa labor, polo que lle faltaría a convicción para manter o “nivel de oposición” desexable durante o que resta de lexislatura.


“A política está presidida pola ética da responsabilidade. Os actos teñen consecuencias e as consecuencias hai que asumilas”, concluiu o xa exportavoz parlamentario.


CARMEN GALLEGO ACOMPAÑA A ROMEU NO SEU PASO ATRÁS


A actual viceportavoz do grupo do PSdeG, Carmen Gallego, autodescartouse para sustitiur a Méndez Romeu, poñendo ademais o seu posto a disposición da xestora como consecuencia do seu apoio para o candidato perdedor das primarias.


"A miña implicación persoal e política na campaña para as primarias con José Luis Méndez Romeu é evidente e por tanto entendo que eu tamén teño que dar un paso atrás neste proxecto e facilitar ao novo candidato e á xestora que poidan escoller a persoas da súa confianza para a nova dirección do grupo", esgrimiu Galego, quen agregou que "hoxe mesmo" os membros da permanente trasladaron unha notificación para indicar que "todos os cargos estaban a disposición da comisión xestora".

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress