#Claves de la semana

​Os farmacéuticos inspectores en folga aceptan unha proposta da Xunta para negociar

Aínda que piden concreción antes de desconvocar a folga


|



A Xunta de Galicia lanzoulle ao colectivo de farmacéuticos inspectores, en folga dende o pasado 18 de maio, unha proposta de negociación que os representantes sindicais afirman estar dispostos a aceptar.


Pero prefiren asegurarse antes de facer ningún movemento. Por iso reclaman unha data concreta para o inicio do diálogo antes de desconvocar a súa folga indefinida.


CIG, CC.OO., CSIF e UXT consideran "positivo" que a administración "faga o esforzo de abrir unha canle de interlocución", pero lembraron que, ata agora, as ofertas de negociación "non tiveron concreción nin data de inicio", polo que piden aos responsables de Sanidade "que demostren con feitos reais esa vontade negociadora".


Os representantes dos inspectores subliñaron o seu desexo de "resolver este conflito" por medio do diálogo, por iso, como "primeiro xesto", decidiron desconvocar as protestas e actos reivindicativos. Tamén se comprometen, reiteraron, a suspender a folga "mentres dure o proceso de negociación".


SAÚDE PÚBLICA EN PERIGO


Os inspectores farmacéuticos reclamanque se aumente a dotación de persoal do seu colectivo,que a día de hoxe tan só ten cubertas 62 do centenar de prazas previstas cando foi creado.


Denuncian quea saúde pública "está en perigo",xa que non dan abasto para realizar todas as inspeccións necesarias, ademais de que non hai ningún inspector dispoñible polas tardes nin durante o fin de semana.


Citan como exemplo a intoxicación por auga que tivo lugar en Vilanova:pese a que tivo lugar durante a fin de semana, denuncian que "ata o luns non puido acudir ningún inspector porque non había ningún servizo de garda". 

relacionada ​Los inspectores farmacéuticos llevan su huelga hasta Feijóo
relacionada ​Acusan á Xunta de intentar “boicotear” a folga dos inspectores farmacéuticos
relacionada ​Comeza cos servizos mínimos denunciados a folga dos inspectores farmacéuticos
Última hora

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Última hora
Cabeceralomasleido 1
Cabecerarecomendados 1

Galiciapress
Plaza de Quintana, 3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal - Política de Cookies - Política de Privacidad - Configuración de cookies - Consejo editorial - Publicidad
Powered by Bigpress
CLABE