​A fenda salarial entre sexos redúcese na comunidade

|

Salariomnimo


O salario bruto medio anual en Galicia foi de 20.195,89 euros en 2014, un 1,9% máis que o ano anterior pero un 11,65% por baixo da media estatal (22.858,17 euros), segundo a enquisa de estrutura salarial publicada polo Instituto Nacional de Estatística (INE).


As mulleres presentan un salario bruto medio anual na comunidade galega un 20,92% inferior ao dos homes, de 17.797,03 euros, fronte aos 22.505,05 euros que de media percibiron ese ano os homes galegos. Con todo, o salario feminino foi en 2014 un 3,1% superior ao do exercicio anterior, mentres que o masculino reduciuse, en concreto nun 0,1%.

Por sectores, o salario bruto medio anual máis alto deuse na industria en Galicia, con 23.068,18 euros, por encima dos 20.620,14 euros da construción e 19.420,12 euros nos servizos.

ESTUDOS
En canto aos estudos realizados, os que fixeron ata educación primaria cobran unha media de 15.362,50 euros, por baixo dos que teñen a primeira etapa de educación secundaria (16.711,07 euros), os que chegaron á segunda etapa (18.996,68) e os que realizaron ensinos de formación profesional de grao superior e similares (19.941,97 euros).

Mentres, os maiores salarios brutos anuais obtivéronos os diplomados universitarios e similares (24.876,77 euros) e os licenciados e similares, e doutores universitarios (30.935,19 euros).

XORNADA, CONTRATO, IDADES E POR HORA
En función da xornada laboral, os traballadores galegos con contrato a tempo completo en 2014 recibiron uns 23.272,25 euros brutos anuais de media e aqueles a tempo parcial, 8.989,23 euros. Os profesionais contratados con duración indefinida tiveron soldo medio bruto anual de 21.591,54 euros e os de duración determinada, 15.229,30 euros.

As idades tamén inflúen: a media é inferior aos 11.539,30 euros para menores de 25 anos, está en 16.311,59 euros para persoas entre 25 e 34, en 20.342,08 entre os que teñen de 35 a 44, en 22.360,79 no grupo que vai de 45 a 54 e é de 23.483,49 euros para os maiores de 55.

A ganancia media por hora traballada en Galicia en 2014 foi de 10,14 euros, de 10,48 na industria, de 9,43 na construción e de 10,11 nos servizos."

relacionada Un 18% de los gallegos cobra de promedio en un año menos de la mitad del salario mínimo interprofesional, según la CIG

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress