​A metade dos pensionistas non chega ao salario mínimo

|

Lospensionistasdestinanel61desuprestacionalavivienda


O sindicato UGT Galicia alerta que "máis da metade" dos pensionistas galegos reciben prestacións que non alcanzan a contía do salario mínimo interprofesional, á vez que lembrou que "un terzo dos fogares galegos" teñen como sustentador unha persoa maior de 65 anos.


A través dun comunicado, o sindicato sinalou que, en total, as pensións de máis de 250.000 galegos están por baixo de 655,19 euros, un "54,7% do total", 15 puntos máis que a media do conxunto de España.


UGT continuou na súa comparación cos datos dos pensionistas galegos cos do conxunto do Estado. Así, os xubilados galegos que perciben entre 1.000 euros e o salario mínimo representan o 18,4% mentres que en España son o 21,3.


En Galicia, os xubilados que perciben entre 1.000 e 2.000 euros son o 19,6%, oito puntos menos que no total español; e os que cobran mensualidades de máis de 2.000 euros son o 11,7% no conxunto do Estado e o 7,3% na comunidade galega.


SEGURIDADE SOCIAL "DEBILITADA"

O sindicato culpou desta situación á reforma das pensións levada a cabo polo goberno de Mariano Rajoy que "debilitaron intencionadamente" a Seguridade Social na comunidade galega.


Deste xeito, considerou "urxente" revisar as formas de ingreso da Seguridade Social que pasan por "incrementar empregos e salarios estables", así como "establecer cotizacións para os equipos tecnolóxicos que substitúen os traballadores de carne e óso".


relacionada ​As pensións galegas seguen entre as máis baixas de España
relacionada Los marineros presentan su demanda en los tribunales de Noruega y vuelven a protestar en Santiago

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress