O Parlamento de Galicia lucirá nos cupóns da ONCE do 23 de xullo

|

Onceparlamentocupn

A ONCE dedica o cupón para o sorteo do próximo 23 de xullo ao Parlamento de Galicia e difundirá o seu nome a través de 5,5 millóns de boletos nos que se plasmará a imaxe da Cámara galega.


O delegado territorial da ONCE en Galicia, Manuel Martínez Pan, entregou este luns ao presidente do Parlamento, Miguel Ángel Santalices, unha reprodución do cupón nun acto celebrado na biblioteca da propia Cámara, ao que asistiron parte desta institución. Martínez Pan destacou esta iniciativa co obxectivo de poñer de relevancia á Cámara como "casa de todos os galegos" a través do "cartón social" que representa o cupón, a ferramenta que permite recoller a "solidariedade" dos cidadáns "todos os días" e transformala en "servizos sociais".


En concreto, destacou que a ONCE conta con 72.000 afiliados, 20.000 vendedores e que chegan a 3,8 millóns de persoas a través das actividades e programas da súa fundación.


Martínez reivindicou a "atención" prestada sempre a este colectivo en institucións como o Parlamento de Galicia, onde se fan as "contribucións" mediante a cooperación do tecido asociativo para lograr "máis dereitos e máis garantías" para estas persoas. "Levarémolo (o cupón) a todas as cidades e pobos do país, para dar a coñecer a casa de todos", concluíu.


A continuación, Miguel Santalices agradeceu que a ONCE dedique este cupón á institución "nun momento marabilloso", coincidindo coa próxima celebración do Día de Galicia e no ano en que a Cámara "cumpre 35 anos".


"É unha data para conmemorar eses anos de historia", destacou. Ademais, avanzou "contido social" no seu discurso na ofrenda do Apóstolo, onde exercerá de delegado rexio, para pedir axuda "a todas aquelas persoas que sofren". "E pedirémoslle, se é posible, que toque o cupón aquí en Galicia", engadiu.


O presidente da Cámara estivo acompañado das vicepresidentas primeira e segunda da Mesa do Parlamento, Marta Rodríguez Arias e María Soledad Soneira, e do secretario da Mesa, José Manuel Balseiro.

relacionada La ONCE dedica 5,5 millones de cupones a “As Fogueiras de San Xoán” de A Coruña
relacionada ​O cupón das letras galegas da ONCE levará a Manuel María

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress