​"Non poden cambiar o noso modo de vida"

|

O delegado do Goberno en Galicia, Santiago Villanueva, quixo transmitir hoxe "tranquilidade á poboación", a pesar do "salvaxe atentando de Francia". Preguntado acerca do dispositivo de seguridade con motivo das festas do Apóstolo en Santiago de Compostela, a próxima semana, lembrou que o nivel de alerta terrorista se mantén en 4, "un nivel alto".


Por iso, apuntou que se continuará co "dispositivo especial de protección" programado, que se sumará ao xa despregado durante todo o verán e que se desenvolverá en dúas partes, unha os días 22 e 23 e outra, "máis intensa", o 24 e 25. Eses días "vai haber gran presenza policial para que a festa se desenvolva con tranquilidade", dixo Villanueva.


Na ampliación do dispositivo participará non só a comisaría de Santiago, senón que se "reforzará con efectivos doutras comisarías, unidades de intervención, guías caninos, TEDAX e incluso medios aéreos".


En xeral, a vixilancia policial será especial nas zonas de "concentración de persoas", así como en aeroportos, portos ou estacións de autobús. Villanueva agradeceu o traballo dos corpos de seguridade e pediu "mandar a mensaxe" de que "non poden cambiar o noso modo de vida".


UN LUGAR SEGURO


Na mesma liña, o alcalde de Santiago, Martiño Noriega, mostrouse convencido de que Santiago é un emprazamento "simbólico" que constitúe un "lugar seguro para gozar" das celebracións.


A preguntas dos medios, Noriega lembrou que o nivel de alerta terrorista non aumentou en España, polo que "non hai nada que xustifique" que o dispositivo de seguridade do Apóstolo "varíe". Noriega expresou a súa "confianza" nos corpos e forzas de seguridade do Estado e animou a "habitar espazos lonxe do efecto" que "pretenden" provocar atentados como o de Niza, que "se asentan na sen razón".

relacionada Atentado en Niza: un camión atropela unha multitude e causa 84 mortos
relacionada ​Galicia mostra o seu apoio ás vítimas do "fanatismo"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress