Alerta amarela polo calor ata domingo

As catro provincias galegas atópanse toda esta fin de seman en alerta amarela por altas temperaturas ata pasadas as 21,00 horas do domingo, segundo informa Meteogalicia.

Deste xeito, en diversas zonas de Ourense espéranse temperaturas superiores aos 36 graos nesta provincia de interior, do mesmo xeito que na zona centro da provincia de Lugo.

Pola súa banda, nas inmediacións do río Miño na provincia de Pontevedra haberá temperaturas de máis de 34 graos, do mesmo xeito que no interior e Suroeste da provincia da Coruña, segundo Meteogalicia.

O Goberno activou desde este xoves e ata o vindeiro luns nas provincias de Ourense e Pontevedra o nivel 1 do Plan Nacional de actuacións preventivas dos efectos do exceso de temperaturas sobre a saúde, para evitar os efectos do exceso de calor especialmente en persoas de idade avanzada, enfermos crónicos e nenos.

En España, as temperaturas próximas aos 40 graos, o vento de levante e os fenómenos costeiros marcarán a tónica meteorolóxica deste sábado, 16 de xullo, segundo informa a Axencia Estatal de Meteoroloxía (AEMET), con once provincias en alerta.

Os ventos, de compoñente leste na área mediterránea serán especialmente fortes en Cádiz, onde roldarán os 100 quilómetros por hora e no litoral de Alborán. En Galicia, o Cantábrico, alto Ebro, Menorca e Canarias, con todo, serán de compoñente norte, con intervalos de forte intensidade en Galicia e Canarias.