​A atención a pacientes oncolóxicos no Cunqueiro é un "calvario"

|

Bngesperacunqueiro


O BNG denuncia a "crueldade inaceptable" da situación que viven decenas de enfermos oncolóxicos que reciben os seus tratamentos no Hospital Álvaro Cunqueiro (HAC) de Vigo, ao ter que esperar horas para recibir esa medicación, en salas pequenas, e sen que se lles facilite auga ou alimentos.


A deputada Montse Prado compareceu nunha rolda de prensa en Vigo, acompañada por unha destas enfermas, Lourdes Crespo, de 59 anos de idade, que describiu o "calvario" que vive cada mércores cando acode ao HAC a recibir quimioterapia.


Segundo relatou esta paciente, os enfermos chegan moi cedo en xaxún e deben someterse a unha analítica de sangue antes de que lles dean os medicamentos. Esa proba debe ir ao laboratorio, logo contar co visto e prace dos médicos, que trasladan o seu 'ok' á farmacia para que preparen as doses de cada tratamento.


Así, entre que chegan ao HAC e empezan a recibir ese tratamento poden pasar "4 ou 5 horas", ás que se suman outras tantas, mentres están sentados na sala someténdose á quimioterapia ou á medicación prescrita en cada caso. "Así todos os mércores, en salas pequenas e saturadas, parece o terceiro mundo. Os enfermos pásano mal polo que teñen, e fannos sentir peor, como bichos raros", lamentou Lourdes.


Montse Prado atribuíu esta "precariedade" á falta de medios persoais e técnicos derivada dos "recortes" do PP. Nesa liña lembrou que, un ano despois da súa apertura, o HAC segue sen ter laboratorio central; que o persoal se reduciu; e que froito desas políticas vívense situacións como as dos enfermos oncolóxicos.


relacionada Carta de un enfermo de cáncer
relacionada ​Denuncian "apaños" na hospitalización de saúde mental no Álvaro Cunqueiro
relacionada ​Caballero, sobre el Cunqueiro: "se celebra el aniversario de una catástrofe"

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress