​Xa se estreou a participación galega nos Xogos

Miguel Alvariño, arqueiro. //Foto: @Miguel_AlvGar twitter

O arqueiro Miguel Alvariño foi o primeiro dos galegos en entrar en competición nestes Xogos Olímpicos de Río, antes incluso da cerimonia de apertura. Tratábase dunha quenda de clasificación que rematou no posto 44, o que lle dá o pase para as fases eliminatorias.

O deportista das Pontes medirase co francés Lucas Daniel na competición individual e a selección española (formada polos tres arqueiros con máis puntuación nesta fase de hoxe) xogará o pase a cuartos de final coa potente selección de Holanda. O resto de integrantes do equipo español, que quedou oitavo, son Juan Ignacio Rodríguez (10º con 678 puntos) e Antonio Fernández (35º con 657 puntos).