O Órgano de Transparencia da Xunta móstrase opaco coa sanidade
Non informa nin das listas de agarda "non estruturais" nin dos informes económicos para derivar pacientes á privada.
A Coordinadora AntiPrivatización da Sanidade Pública da Coruña vén de recibir a resposta do Órgano de Transparencia da Xunta de Galicia sobre a petición de datos das listas de agarda "non estruturais" e os informes económicos que avalan a derivación de pacientes a centros privados.
Desde a asaociación, nun comunicado defenden que "como cidadáns temos dereito a saber como se están a xestionar os nosos recursos", pero lamentan que "o nome deste organismo non se corresponde coa realidade dos feitos, como case todo o que ocorre na sanidade pública galega"
Así, a coordinadora lamenta que non se lle facilitase o acceso a "ningún tipo de información ou aclaración" sobre as esperas dos "doentes que non teñen data para a súa cita, proba ou operación cirúrxica, ou aqueles que se negaon a ser derivados a un centro privado". Aclaran qeu estes casos non están recollidos nas listas oficiais.
Os informes económicos que avalan as derivacións de doentes a centros privados fóronlles negados "por pentencer ao historial do paciente". Desde a coordinadora aseguran que non queren a información persoal dos pacientes, pero si solicitan saber "que criterios se utilizan e que empresas son as beneficiarias nos diferentes servizos do Sergas". Pois, manteñen que "unha plena utilización dos nosos recursos sanitarios é mais económico cas derivacións a centros privados".
Polo tanto, anuncian que seguirán "os cauces legais pertinentes" para recibir a información solicitada.
Escribe tu comentario