Un falecido e unha ferida moi grave nun accidente de moto en A Rúa

Segundo os datos facilitados polo 112 Galicia, o sinistro aconteceu arredor das 15,30 horas na N-120 en dirección a Valdeorras.

Logo de recibir a chamada dun particular, o 112 Galicia mobilizou ó 061, Garda Civil de Tráfico e os Bombeiros de Valdeorras, que indicaron que un dos ocupantes da moto falecera. O outro ocupante saíu despedido e caeu por un terraplén, onde foi rescatado.

Ó lugar do accidente chegou un helicóptero medicalizado para atender aos feridos. O varón faleceu no mesmo punto do accidente, mentres que a muller foi rescatada e evacuada ó hospital de Valdeorras. Onte pola tarde foi intervida no CHOU onde permanece con prognóstico moi grave.