​Teresa Portela métese na final do K1 200

|


Teresaportela

Teresa Portela. //Foto: @deportegob twitter


A padexeira Teresa Portela métese na final olímpica dos 200m K1, nos que son os seus quintos Xogos. A deportista de Cangas pelexará mañá por volver para Galicia cunha medalla no pescozo, despois de pechar o seu pase cunha marca de 40,241 segundos que lle serviu para ser segunda na súa semifinal.


No apartado masculino, Marcus Walz tamén chega á final do K1 1000m masculino, despois dun último tramo da súa semifinal espectacular no que apertou para conseguir a terceira praza, unha táctica que lle permite pelexar por sumar unha medalla máis ao casilleiro español.


No resto da participación española, chegou tamén a hora da verdade para a selección de basket. Esta medianoite mídense a Arxentina para pasar ás eliminatorias. Os de Scariolo dependen de si mesmos para pasar a cuartos, despois de remontar coas vitorias ante Nixeria e Lituania un mal inicio da competición fronte a Croacia e Brasil.


Na auga, o dúo español de sincronizada, composto por Ona Carbonell e Gemma Mengual, disputará este luns a rutina técnica e o martes a final da rutina libre. O domingo colocáronse en cuarta posición na rolda preliminar da rutina libre e lonxe das actuais campioas olímpicas, mundiais e europeas, as rusas Natalia Ishchenko e Svetlana Romashina.


En atletismo, a primeira opción clara de medalla é a do vallista Orlando Ortega. A próxima madrugada afronta a primeira rolda de calificación nos 110 metros para meterse nas semifinais e a final que se corren un día despois.

relacionada ​Os regatistas galegos estréanse na competición olímpica
relacionada ​María Vilas, en boa compaña

Sin comentarios

Escribe tu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.
Este periódico fue seleccionado por Google News Initiative para su Journalism Emergency Relief Fund

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress