Piden mellorar a cobertura médica das illas atlánticas

|


Illasatlanticas 1


Os postos de primeiros auxilios son necesarios nas praias ou en calquera lugar que reúna multitudes, pero en ocasións non poden resolver urxencias sanitarias cando a situación supera a súa capacidade ou as súas competencias.

É o caso o Parque Nacional das Illas Atlánticas, segundo denuncia a asociación de médicos interinos ASMIG, que atopa carencias graves na atención sanitaria das illas Cíes, Ons e Sálvora.

Segundo informa nun comunicado, ASMIG vén de presentar presentar á Consellería de Medio Ambiente unha solicitude para que se dote de servizo médico permanente ás tres illas atlánticas que compoñen o Parque Nacional. A asociación "puido constatar que os mínimos servizos de primeiros auxilios que se veñen prestando tampouco cobren as 24 horas", afirman.

Na actualidade, as illas contan con postos atendidos por socorristas e enfermeiras mediante un convenio con Cruz Vermella, que "deben desenvolver o seu labor en circunstancias precarias", valora a asociación.

Para ASMIG, o "illamento do arquipélago" e a "vulnerabilidade de certos colectivos, como nenos pequenos ou anciáns", fan "absolutamente necesaria" a dotación de médicos de urxencias con horario ininterrompido durante polo menos o período xuño-setembro.

Apelan á situación "de risco sanitario" para os visitantes, turistas e mozos que se albergan nos campamentos permanentes que existen nas illas. ASMIG advirte a CMATI que "exercerá accións legais en caso de que se produza calquera incidencia con resultado de morte ou lesións graves por esta falta de atención".

relacionada El parque nacional de las Illas Atlánticas recibe la acreditación de destino turístico de cielo nocturno

Sin comentarios

Escribe tu comentario




No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Pressdigital
Plaza de Quintana ,3 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS LOS DERECHOS. EDITADO POR POMBA PRESS,S.L.
Aviso legal Cookies Consejo editorial Publicidad
Powered by Bigpress